Waziri Mkuu, Tanzania, Atembelea Sacoma, London.

Umoja huo wa Sacoma wenye lengo la kuwakomboa wakulima wadogo wadogo wa Africa ya Mashariki ulimkaribisha Waziri Mkuu, Mheshimiwa Peter Mizengo Pinda,  alipofanya ziara kwenye Soko la Spitafields, lililopo Stratford nchini Uingereza, kwa lengo la kujionea shughuli za Jumuiya ya Sacoma inayoendesha shughuli zake katika soko hilo na jinsi ambavyo jumuiya hiyo imeweza kuwasaidia wakulima wa mboga na matunda nchini Kenya, kupata soko la kuuza bidhaa zao Uingereza.Waziri Mkuu huyo wa Tanzania baadaye alipata maelezo kutoka kwa Mkurugenzi wa Sacoma group, Bwana. Sam Ochieng, namna ambavyo bidhaa za Matunda na Mboga mboga kutoka nchini Kenya zinavyopakiwa, kusafirishwa na hatimaye kuuzwa kwenye soko la Spitfield nchini Uingereza, kwa kupitia Jumuiya ya Sacoma.


Waziri mkuu, Mheshimiwa Peter Mizengo Pinda akipata maelekezo.